Ætla að byggja allt að 1.400 íbúðir á ríkislóðum
RÚV: Á næstu árum stendur til að byggja á bilinu 1.200-1.400 nýjar íbúðir – bæði á lóðum ríkisins og í húsnæði í ríkiseigu sem verður breytt í íbúðir.Þetta er meðal aðgerða Reykjavíkurborgar og ríkisstj
Á næstu árum stendur til að byggja á bilinu 1.200-1.400 nýjar íbúðir – bæði á lóðum ríkisins og í húsnæði í ríkiseigu sem verður breytt í íbúðir.Þetta er meðal aðgerða Reykjavíkurborgar og ríkisstjórnarinnar í húsnæðismálum sem kynntar voru í dag. Þær eru liður í öðrum húsnæðispakka ríkisstjórnarinnar.Byggja á íbúðir á eftirfarandi stöðum:Borgartúni: 220 íbúðirGrensásvegi: 90 íbúðirEfri hluta Laugavegar: 100 íbúðirLaugarnesvegi: 300 íbúðirSeljavegi: 90 íbúðirÁ landi austan Korpúlfsstaða, á mörkum Reykjavíkur og Mosfellsbæjar: 400-600 íbúðirFram kemur að íbúðirnar verða annars vegar nýbyggingar og hins vegar umbreytt húsnæði sem áður var nýtt undir stofnanir og aðra starfsemi ríkisins. Hluti íbúðanna er hugsaður fyrir hlutdeildarlán, stúdentaíbúðir, íbúðir á vegum leigufélaga stéttarfélaga og búseturétt.Verkefnin verða auglýst á næstunni og þá verður hægt að sækja um að byggja þau. Í framhaldinu verða lóðirnar og eignirnar seldar til þeirra sem verða fyrir valinu og verkefnin fara svo áfram í frekara skipulagsferli.Þá áformar ríkisstjórnin að vinna áfram markvisst að uppbyggingu á ríkislóðum og ríkiseignum í fleiri sveitarfélögum.Ragnar Þór Ingólfsson, félags- og húsnæðismálaráðherra, segir samningana milli ríkis og borgar vera jafnvel stærri en þá sem voru gerðir um uppbyggingu Breiðholts á sínum tíma. Sjálfur er hann í skýjunum með að tekist hafi að landa samningum. „Það hefur einhvern veginn ekki tekist að landa samningum hingað til en það tókst núna með góðum vilja borgarinnar og fjármálaráðuneytisins að fylgja þessu máli eftir. Þetta tók tíma og þetta eru flóknir samningar.“Daði Már Kristófersson, fjármála- og efnahagsráðherra, segir málin hafa verið leyst með makaskiptum og ýmsum leiðum. „Í flestum tilfellum erum við að skipta á eignum sem Reykjavíkurborg hefur haldið á og ríkið hefur þörf fyrir.“Það er því ekki svo að Reykjavíkurborg fái lóðirnar gefins. Samið er um ábata til ríkisins. Kostnaðurinn við samningana er ekki enn alveg ljós, meðal annars vegna þess að enn á eftir að ganga frá skipulagi. Daði segir hann þó hlaupa á milljörðum. Fréttin hefur verið uppfærð með viðtölum við ráðherra.
