Endurbætur á innisundlaug Akureyrar lokið, opnuð að nýju

Innisundlaug Sundlaugar Akureyrar hefur verið opnuð að nýju eftir umfangsmiklar endurbætur á húsnæðinu. Við framkvæmdirnar var lögð áhersla á að varðveita sögu staðarins en jafnframt færa aðstöðuna til nútímans. Sundlaugarkarið sjálft er því hið sama og áður og innfelldir stigar hafa verið varðveittir.

Bætt hefur verið við rampi til að auka aðgengi gesta. Nýja laugin er einnig hugsuð sem þjálfunarlaug og er búin andstreymisbúnaði sem gerir fólki kleift að synda á sama stað.

Sérstök áhersla var lögð á að skapa hlýlegt umhverfi og nýta vel útsýni yfir Andapollinn og miðbæ Akureyrar.

→ Lesa upprunalegu fréttina á Víkublaðið

Heimild: Víkublaðið