HMS endurútgefur leiðbeiningar um flísaklædda votrýmisveggi
Húsnæðis- og mannvirkjastofnun (HMS) hefur endurvakið útgáfu á tækni- og leiðbeiningablöðum um mannvirkjagerð, svokölluðum Rb-blöðum. Í þessum mánuði er endurútgefið blað sem fjallar um flísaklædda votrýmisveggi.
Endurútgefið leiðbeiningablað um votrými
Húsnæðis- og mannvirkjastofnun (HMS) hefur hafið endurútgáfu á Rb-blöðum, sem eru tækni- og leiðbeiningablöð um mannvirkjagerð. Í lok hvers mánaðar endurútgefur stofnunin eldri blöð sem fjalla um málefni líðandi stundar.
Rb-blað þessa mánaðar ber heitið „Flísaklæddir votrýmisveggir“ og var upphaflega gefið út í júlí 2017 af Nýsköpunarmiðstöð Íslands. Höfundur blaðsins er Jón Sigurjónsson.
Fjallar um frágang votrýma
Blaðið fjallar um flísalagða veggi votrýma og lýsir frágangi sem tryggir ásættanlegt raka- og lekaöryggi í blautsvæðum. Einnig er fjallað um fullnægjandi frágang á svæðum í votrýmum sem verða fyrir minna vatnsálagi.
Votrými eru skilgreind í blaðinu sem baðherbergi, þvottaherbergi og önnur svipuð rými í íbúðarhúsum, opinberum byggingum og gististöðum, en ekki stór opinber baðhús eða sturtusvæði sundlauga og íþróttahúsa.
Heimild: Húsnæðis- og mannvirkjastofnun (HMS)