Hluthöfum í Eyjagöngum fjölgar - Eimskip fjárfestir
Fjármögnun jarðgangaverkefnisins milli lands og Vestmannaeyja er lokið, en fleiri fjárfestar hafa bæst í hóp hluthafa í Eyjagöngum ehf., félaginu sem sér um jarðvegsrannsóknir og undirbúning verkefnisins. Hlutafé félagsins nemur nú um 200 milljónum króna.
Meðal nýrra hluthafa eru Eimskip, Olís, stéttarfélögin Drífandi, Jötunn og Verðandi, innviðasjóðurinn Innviðir fjárfestingar II og fjárfestingafélagið MK 4, sem er í eigu Magnúsar Kristinssonar og fjölskyldu. Eimskip hefur gert samkomulag um að eiga 25% hlut í félaginu.
Í tilkynningu frá Eyjagöngum kemur fram að innkoma Innviða fjárfestinga II færi verkefninu mikla vigt, enda sé sjóðurinn nær eingöngu fjármagnaður af lífeyrissjóðum og sérhæfi sig í uppbyggingu hagrænna og félagslegra innviða.
Lykilfjárfestar hafa þegar greitt hlutafé
Áður höfðu lykilfjárfestar gengið frá greiðslu á hlutafé sínu. Þar á meðal eru Ísfélag og Vinnslustöðin, ásamt Vestmannaeyjabæ og Rangárþingi eystra. Einnig eru aðaleigendur og stofnendur Laxeyrar í gegnum Sion ehf. og DVG Fasteignafélag í hluthafahópnum.
Vilhelm Már Þorsteinsson, forstjóri Eimskips, segir í tilkynningu að jarðgöngin muni gjörbreyta samgöngum til og frá Vestmannaeyjum og að Eimskip sé stolt af því að vera hluti af þessu stóra skrefi í átt að betri og öruggari samgöngum.
Félagið hefur unnið að undirbúningi verkefnisins í nokkur ár og hefur fengið jákvæð viðbrögð frá stjórnvöldum, en áætlað er að framkvæmdir hefjist á næstu árum.
Sjá nánar: eimskip.is
