Heitavatnslaust á Suðurnesjum í dag
Heitt vatn verður ekki til á Suðurnesjum í dag vegna framkvæmda HS Veitna og HS Orku. Lokunin hefur áhrif á Reykjanesbæ, Suðurnesjabæ, Vogum og Keflavíkurflugvöll.
Í dag verður heitt vatn ekki til á Suðurnesjum. Ástæðan eru framkvæmdir HS Veitna við stofnæð hitaveitu við Njarðarbraut og framkvæmdir HS Orku við dælustöð á Fitjum.
Framkvæmdirnar voru tilkynntar fyrir tæpri viku síðan. Heitt vatn verður ekki til á Reykjanesbæ, Suðurnesjabæ, í Vogum og á Keflavíkurflugvelli. Tímasetningar og lengd lokunar eru mismunandi eftir svæðum.
Í Ytri-Njarðvík, Keflavík og Suðurnesjabæ var heitt vatn tekið af klukkan fjögur í nótt. Það á að komast aftur á eftir allt að sólarhring.
Í Innri-Njarðvík, á Ásbrú, á Keflavíkurflugvelli og í Vogum verður heitt vatn tekið af klukkan átta. Það á að komast aftur á eftir fimm til átta klukkustundir.
Eitthvað heitt vatn gæti verið eftir á kerfinu vegna vatns sem er í tönkum, samkvæmt tilkynningu á vef HS Veitna.
Heimild: RÚV