Eyjafjarðarsveit leitar hugmynda um uppbyggingu á reit gamla Þinghússins

Sveitarstjórn Eyjafjarðarsveitar hefur samþykkt að efna til hugmyndaþings um framtíð reitsins þar sem gamla Þinghúsið stendur í Hrafnagilshverfi. Markmið þingsins er að kalla fram vandaðar og raunhæfar hugmyndir um uppbyggingu og nýtingu svæðisins til framtíðar. Áður var starfandi leikskóli í húsinu.

Ástandsskoðun Eflu frá ágúst síðastliðnum sýnir verulega viðhalds- og endurbótaþörf á húsinu. Sveitarstjórn telur að umfangsmiklar og kostnaðarfrekar framkvæmdir þyrfti til að koma húsinu í viðunandi horf og telur ekki forsvaranlegt að ráðast í slíkar endurbætur miðað við núverandi forsendur.

Því telur sveitarstjórn rétt að horfa til framtíðar varðandi nýtingu svæðisins. Undirbúningi hugmyndaþingsins, sem stefnt er að halda á komandi vetri, hefur verið vísað til skipulagsnefndar.

→ Lesa upprunalegu fréttina á Víkublaðið

Heimild: Víkublaðið