FSRE leitar að varðveisluhúsnæði á höfuðborgarsvæðinu

Framkvæmdasýslan Ríkiseignir (FSRE) hefur auglýst eftir leiguhúsnæði til varðveislustarfsemi á höfuðborgarsvæðinu, með útboðsnúmer 6339923. Útboðsgögn voru afhent 2. júní 2026 og skilafrestur er til 19. júní 2026 kl. 13:00.

Um er að ræða húsnæði sem er 1.500 – 2.500 m² að stærð. Húsnæðið skal afhent fullbúið og tilbúið til notkunar eigi síðar en þremur mánuðum frá undirritun leigusamnings. Leigusamningurinn verður til 5–10 ára. Æskilegt er að byggingin sé ekki staðsett á áhættusvæði vegna náttúruváar, svo sem jarðskjálfta-, flóða- og sprungusvæði.

Gerð er krafa um reynslu af rekstri atvinnuhúsnæðis. Leigutilboð skulu innihalda upplýsingar um afhendingartíma húsnæðis, staðsetningu, stærð og aldur húsnæðis, fjölda bílastæða, aðkomu að lóð og byggingu, annan kostnað leigjanda, gildandi deiliskipulag svæðis og tilvísun í gildandi aðalskipulag. Einnig skal fylgja nánari upplýsingar um reynslu leigusala af uppbyggingu og rekstri fasteigna.

Við mat á tilboðum verður tekið tillit til leiguverðs, stærðar húsnæðis og skipulags þess út frá fyrirhugaðri nýtingu, öryggis, afhendingartíma, staðsetningu og aðkomu. FSRE áskilur sér rétt til að hafna öllum tilboðum.

Útboðið er birt á: utbodsvefur.is