FSRE leitar að húsnæði fyrir brottfararstöð á Suðurnesjum

Framkvæmdasýslan – Ríkiseignir (FSRE) hefur hafið leit að húsnæði á Suðurnesjum fyrir nýja brottfararstöð. Leitað er að bæði tímabundnu og langtímahúsnæði sem getur hýst allt að 30 einstaklinga ásamt starfsfólki. Mikilvægt er að staðsetningin sé á Suðurnesjum og að húsnæðið sé ekki í nálægð við íbúðarbyggð.

Áætluð húsrýmisþörf er á bilinu 750 til 1.200 fermetrar, en allar tillögur verða teknar til greina. Húsnæðið þarf að bjóða upp á 15 til 30 svefnherbergi, annað hvort með eigin snyrtingu og sturtu eða með aðgengi að sameiginlegri aðstöðu. Einnig þarf að vera til staðar aðstaða fyrir þvottahús, matsal, félagsrými, viðtalsrými og skrifstofur fyrir starfsfólk. Kröfur eru gerðar um gott, afgirt útisvæði eða möguleika á að útbúa slíkt.

Tímabundna húsnæðið þarf að vera tilbúið til afhendingar fyrir 1. desember næstkomandi, en lögin sem um ræðir taka gildi undir lok ársins. Æskilegt er að langtímahúsnæðið verði tilbúið eigi síðar en 30. september á næsta ári. FSRE útilokar þó ekki að tímabundna húsnæðið geti nýst sem framtíðarhúsnæði. Áhugasamir aðilar hafa frest til miðvikudagsins 5. ágúst næstkomandi til að skila inn upplýsingum.

→ Lesa upprunaleg frétt á vef Víkurfréttir

Heimild: Víkurfréttir