Framkvæmdir við heimæðar í Akurholti samkvæmt áætlun

Mosfellsbær vinnur nú að endurnýjun heimæða og dreifiveitu í Akurholti, einni af elstu götum bæjarins, vegna leka og bilana sem komu upp síðastliðinn vetur.

Framkvæmdirnar, sem eru samkvæmt áætlun, felast einnig í endurnýjun hitaveitu- og vatnsveitubrunna á gatnamótum Akurholts og Álfholts. Þar hafa ónýtum lokum verið skipt út fyrir jarðloka og brunnarnir aflagðir.

Fyrstu áföngum verksins lýkur í þessum mánuði, en vinna við þriðja og síðasta áfanga hefst í september og stendur fram í október. Allar heimæðar í götunni verða endurnýjaðar og hefur um helmingi þeirra þegar verið skipt út frá því í mars.

Ný dreifiveita er nú lögð vestan götunnar og verður sagað þvert yfir götuna til að tengja hús austan megin við nýja stofna. Stefnt er að því að ljúka þessum hluta í ágúst.

Íbúar eru beðnir velvirðingar á óþægindum, en vonast er til að framkvæmdum í Akurholti ljúki í október. Íbúar sem eru skráðir á vef 1819 fá SMS tilkynningar um framvindu verksins.

→ Lesa upprunaleg frétt á vef Mosfellsbær

Heimild: Mosfellsbær