Framkvæmdir í Grímsnes- og Grafningshrepp 2026
Grímsnes- og Grafningshreppur stendur frammi fyrir fjölmörgum framkvæmdum árið 2026 sem miða að því að efla aðstöðu íbúa, nemenda og viðbragðsaðila.
Fjölmargar framkvæmdir eru í gangi í Grímsnes- og Grafningshreppi árið 2026, með það að markmiði að bæta aðstöðu íbúa, nemenda og viðbragðsaðila.
Leikskólalóðin er í stækkun þar sem unnið er að nýjum yfirborðsfrágangi og uppsetningu kastala og fjölbreyttra leiktækja. Grjótgás og Jóhann Helgi & co sjá um þessa framkvæmd og er stefnt að verklokum í ágúst.
Samhliða þessu er hafið niðurrif á efri hæð Kerhólsskóla, þar sem áður var stjórnsýsla sveitarfélagsins. Rýmið hefur verið endurhannað fyrir starfsemi skólans og verður framkvæmdin boðin út á næstunni. Gert er ráð fyrir nýjum skólastofum og öðrum rýmum sem munu nýtast skólastarfinu.
Framkvæmdir við nýja björgunarmiðstöð á Borg eru í fullum gangi hjá HR smíði. Undirbúningur fyrir vinnu við sökkla aðalbyggingarinnar er hafinn og er gert ráð fyrir að burðarvirki frá Límtré Vírneti komi á verkstað í september til að hefja reisingu hússins.
Jarðtækni vinnur jafnframt að uppbyggingu nýrrar götu og göngustíga við hverfið á Borg. Þar verður gerð ný tenging við Biskupstungnabraut og lögð gatan Skógartún, þar sem nýjar lóðir verða auglýstar bráðlega. Unnið verður með blágrænar ofanvatnslausnir og göngustígar og lýsing í nýja hverfinu verða fullgerð.
Að lokum er undirbúningsvinna við gerð hjóla- og göngustíga í fullum gangi og hefst verkið í haust.
→ Lesa upprunaleg frétt á vef Grímnes- og Grafningshreppur
Heimild: Grímnes- og Grafningshreppur