Borgarlínuframkvæmdir hafnar við Nauthólsveg og Háskólann í Reykjavík

Vinna er hafin við uppbyggingu innviða fyrir Borgarlínu við Nauthólsveg og Háskólann í Reykjavík. Verkefnið felur í sér breikkun Nauthólsvegar til að rýma fyrir sérrými Borgarlínu á miðri götunni.

Eftir breytingarnar verður áfram ein akrein fyrir almenna umferð í báðar áttir, en þær munu liggja hvor til sinnar hliðar við Borgarlínuna. Aðgengi fyrir akandi, hjólandi, gangandi og almenningssamgöngur verður tryggt allan framkvæmdatímann.

Stoppistöðvar Strætó verða opnar en færðar eftir því sem verkinu vindur fram. Að sögn Betri samgangna verður áhrifum á bílastæði haldið í lágmarki.