Fjórðungur íbúða verið til sölu í meira en ár

Tæplega fjórðungur allra íbúða sem auglýstar voru til sölu í upphafi júnímánaðar hafa verið á söluskrá í meira en tólf mánuði. Þetta kemur fram í umfjöllun Viðskiptablaðsins og bendir til þess að sölutími íbúða hafi lengst og fasteignamarkaðurinn sé hægari en áður.

Lengri sölutími og aukið framboð íbúða á söluskrá eru meðal þeirra þátta sem hafa áhrif á byggingariðnaðinn, enda ráðast ákvarðanir um nýbyggingar meðal annars af eftirspurn og stöðu markaðarins hverju sinni.

Heimild: Viðskiptablaðið