Fjórar vindmyllur gangsettar í Vaðölduveri, fleiri áformuð

Fjórar vindmyllur voru gangsettar í Vaðölduveri, fyrsta vindorkuveri Íslands, þann 15. september. Verið er staðsett í Búrfellslundi við Vaðöldu í Rangárþingi ytra og er í eigu Landsvirkjunar.

Við opnunarathöfnina flutti Karlakór Hreppamanna íslensk dægurlög. Jóhann Páll Jóhannsson, umhverfis-, orku- og loftslagsráðherra, sagði að verið væri að opna nýjan kafla í íslenskri orkusögu. Daði Már Kristófersson fjármálaráðherra gaf starfsfólki Landsvirkjunar merki um að ræsa vélarnar.

Blíðskaparveður við verið varð til þess að vindurinn lét lítið á sér bera og vindmyllurnar fóru hægt af stað. Stefnt er að því að 28 vindmyllur verði starfræktar í verinu fyrir árslok 2027.

Vaðölduver er ekki eina vindorkuverið sem fyrirhugað er að rísi á Íslandi. Í skipulagsgátt er að finna 14 verkefni tengd vindorku sem níu fyrirtæki standa að.

→ Lesa upprunalegu fréttina á Heimildin

Heimild: Heimildin · Endursagt af Bragga