Deiliskipulag fyrir Laufblaðið á Sauðárkróki auglýst til kynningar
Skipulagsnefnd Sveitarfélagsins Skagafjarðar samþykkti á fundi sínum þann 28. maí 2026 að auglýsa deiliskipulagstillögu fyrir íbúðabyggð og opið svæði á Laufblaðinu á Sauðárkróki. Tillagan, sem unnin var af Stoð ehf. verkfræðistofu, gerir ráð fyrir n
📋 Skipulagsmál · Sveitarfélagið Skagafjörður
Skipulagsnefnd Sveitarfélagsins Skagafjarðar samþykkti á fundi sínum þann 28. maí 2026 að auglýsa deiliskipulagstillögu fyrir íbúðabyggð og opið svæði á Laufblaðinu á Sauðárkróki. Tillagan, sem unnin var af Stoð ehf. verkfræðistofu, gerir ráð fyrir nýjum parhúsum og grænum tengiás fyrir gangandi og hjólandi vegfarendur.
Deiliskipulagstillagan, dags. 21. maí 2026, sýnir núverandi byggð og tillögu að hámarksnýtingarhlutfalli fyrir hverja lóð. Hugmyndavinna Hildar Hartmannsdóttur er sýnd fyrir óbyggilegt opið svæði milli Gilstúns og Brekkutúns til suðurs, þar sem gert er ráð fyrir matjurta- og blómaræktun, ofanvatnsrásum, leik- og æfingarýmum og sléttum grasflötum.
Gert er ráð fyrir bílastæði út frá Sæmundarhlíðinni til að draga úr umferð inn í Túnahverfið. Hreyfiás í gegnum miðju skipulagssvæðisins, sem liggur vestur-austur, er ætlaður sem grænn tengiás til að skapa örugga tengingu fyrir gangandi og hjólandi vegfarendur. Tillagan gerir ráð fyrir nýjum parhúsum á Gilstúni 21-23, Eyrartúni 11-13, 14-16 og 15-17. Samhliða auglýsingu vinnslutillögu deiliskipulagsins var samþykkt að veita framkvæmdaleyfi fyrir prufuholum á umræddum lóðum.