Dagur fagnar höllinni: „Loksins, loksins!“
Dagur B. Eggertsson fagnar því að verktaki hafi loks verið valinn til byggingar Þjóðarhallarinnar í Laugardal. Hann segir það mikinn áfanga í framkvæmdinni.
Dagur B. Eggertsson, fyrrverandi borgarstjóri Reykjavíkur og sitjandi þingmaður Samfylkingarinnar, segir það mikil gleðitíðindi að loksins sjái fyrir upphaf byggingarframkvæmda við Þjóðarhöll í Laugardalnum í Reykjavík.
„Ég segi bara loksins, loksins! Ég var mjög ánægður að frétta af þessu, því að svona verkefni eru stór og flókin og taka tíma, og sérstaklega þessir útboðs- og innkaupaferlar,“ segir Dagur í samtali við mbl.is.
Heimild: mbl.is