Byggja eitt stærsta sólarraforkuver Evrópu
Raforkuframleiðandinn Rezolv undirbýr framkvæmdir við 1 gígavatts sólarorkuver í Rúmeníu, sem verður eitt stærsta sólarorkuver Evrópu og það stærsta innan Evrópusambandsins.
Uppsett afl sólarorkuversins verður 1 gígavatt, sem er um 45% meira en uppsett afl Kárahnjúkavirkjunar. Framkvæmdir eiga að hefjast síðsumars og gert er ráð fyrir að verkefninu ljúki síðla árs 2028.
Verið er að byggja verkefnið þannig upp að það geti framleitt næga orku fyrir um 280.000 heimili. Rezolv hyggst stækka safn sitt af endurnýjanlegum orkukostum í Mið- og Suðaustur-Evrópu. Fyrirtækið er jafnframt stærsti styrkþegi útboða stjórnvalda á grænum orkuverkefnum sem fjármögnuð eru með stuðningskerfi fyrir lágkolefnisorku úr sjóðum Evrópusambandsins.
Heimild: vb.is