BSO lyft af grunninum
Húsnæði Bifreiðastöðvar Oddeyrar (BSO) á Akureyri verður líklega flutt í heilu lagi í Jólagarðinn í Eyjafjarðarsveit í vikunni.
Húsið hefur verið lyft upp frá grunninum og flutningsbitar komnir fyrir undir því. Eigandi Jólagarðsins, Benedikt Grétarsson, vonast til að geta flutt húsið í vikunni og er bjartsýnn á að öll tilskilin leyfi fáist.
Skipulagsráð Akureyrar samþykkti að afhenda Jólagarðinum húsnæði BSO án endurgjalds, en flutningurinn er á ábyrgð garðsins og þarf húsið að vera flutt af Strandgötu fyrir 15. júní. Áætlað er að húsinu verði komið fyrir í brekku vestanmegin í garðinum.
Heimild: mbl.is