BSO-húsið nánast tilbúið í ferðalagið
BSO-húsið í miðbæ Akureyrar er nánast tilbúið til flutnings að Jólagarðinum í Eyjafjarðarsveit. Húsinu hefur verið lyft frá jörðu og undirbúið fyrir ferðalagið.
Stefnt er að því að flytja BSO-húsið úr miðbæ Akureyrar að Jólagarðinum í Eyjafjarðarsveit einhvern næstu daga. Húsinu hefur verið lyft frá jörðu og undirbúið fyrir flutning og skipulagsnefnd Eyjafjarðarsveitar hefur afgreitt umsókn um bráðabirgðastöðuleyfi fyrir húsið.
Akureyrarbær auglýsti húsið gefins gegn því að það yrði flutt burt úr miðbænum. Jólagarðurinn fékk húsið og undanfarið hefur verið unnið að því að undirbúa það fyrir flutninginn. Skipulagsnefnd Eyjafjarðarsveitar samþykkti að leggja til við sveitarstjórn að veita stöðuleyfi til 12 mánaða á lóðinni. Gosdósin sem verið hefur áberandi á BSO húsinu hefur verið fjarlægð.
Heimild: akureyri.net