Borað eftir heitu vatni fyrir vaxandi samfélag

Veitur eru að hefja borun eftir heitu vatni í Kaldárholti til að styrkja hitaveituna á svæðinu, Rangárveitu, sem þjónar Hvolsvelli og Hellu. Þetta er gert til að mæta auknum þörfum í vaxandi samfélagi. Fyrir eru tvær borholur í nýtingu á staðnum sem hafa reynst vel og er nú unnið að undirbúningi fyrir borun á einni nýrri holu sem hefst í júlí.

Markmiðið er að auka vinnslu á heitu vatni úr jarðhitakerfinu við Kaldárholtslæk. Núverandi borholur eru um 500 metra djúpar og framleiða um 100 lítra á sekúndu af vatni sem er um 65°C. Nýja holan verður um 800 metra djúp.

Við boranir er notast við vatn til að fjarlægja borsvarf úr holunni. Þetta skolvatn fer í gegnum sérstakt kerfi þar sem grófasta efnið skilur sig frá áður en vatnið kólnar í stórri þró og fínni efni falla til botns. Veitur endurnýta síðan vatnið til borunar, sem er hluti af umhverfisvænni borunaraðferðum. Þótt leyfi sé fyrir hendi til að veita skolvatni í Kaldárlæk, er það ekki í bígerð nema að litlu leyti og þá einungis ef aðrar leiðir hafa ekki skilað árangri. Rannsóknir á lífríki og umhverfi í nágrenni borana fara fram áður en boranir hefjast og verður stöðugt eftirlit með svæðinu meðan á framkvæmdum stendur.

→ Lesa upprunaleg frétt á vef Rangárþing eystra

Heimild: Rangárþing eystra