Bláa Lónið byggir 1.000 fermetra þjónustuhús í Árnesi

Fyrsta skóflustunga var tekin í vikunni að nýju þjónustuhúsi Bláa Lónsins í Árnesi. Húsið mun rísa á um 1.000 fermetra svæði og er ætlað að styðja við rekstur fyrirtækisins á Suðurlandi, þar á meðal Gestastofuna og Fjallaböðin í Þjórsárdal, hótelið í Hrauneyjum og starfsemi í Kerlingarfjöllum.

Í hinu nýja húsi verður meðal annars þvottahús, lagerar, bifreiðaþjónusta og kæli- og frystigeymsla. Framkvæmdir eru í höndum Landsstólpa, sem er byggingarfyrirtæki með aðsetur í Skeiða- og Gnúpverjahreppi.

Áætlað er að um tíu starfsmenn muni starfa í húsinu þegar starfsemi í Þjórsárdal hefst vorið 2028. Stefnt er að því að húsið verði tekið í notkun undir lok árs 2026.

Sjá nánar: dfs.is