Bera timbur um stiga, ganga og inn á hárgreiðsludeild
Verknámsaðstaða Menntaskólans á Ísafirði er löngu sprungin og framkvæmdir við nýtt hús enn ekki hafnar, þrátt fyrir viljayfirlýsingu fyrir rúmum tveimur árum.
Verknámsaðstaða Menntaskólans á Ísafirði er löngu sprungin en framkvæmdir við nýtt hús hafa ekki hafist, þvert á loforð yfirvalda.
Fyrir rúmum tveimur árum undirrituðu sveitarfélög við Ísafjarðardjúp og menntamálaráðuneyti viljayfirlýsingu um nýtt verknámshús. Stjórnendur voru fullvissaðir um að verkefnið væri fullfjármagnað en framkvæmdir eru enn ekki hafnar.
Á myndbandi má sjá leiðina sem nemendur og kennarar þurfa að fara milli verknámsaðstöðunnar innanhúss og útisvæðis. Timbur þarf að flytja í nokkrum ferðum milli svæða. Hver ferð tekur rúmar þrjár mínútur og krefst þess að burðarmenn fari inn í hárgreiðsludeild skólans, sem einnig er kennd í kjallaranum undir húsinu.
Heimild: RÚV