Bæjarstjórn Fjallabyggðar hefur samþykkt að hefja undirbúningsframkvæmdir vegna Fljótaganga.

Bæjarstjórn Fjallabyggðar hefur samþykkt að hefja undirbúningsframkvæmdir vegna Fljótaganga, sem snúa að vatnsbólinu í Hólsdal á Siglufirði.

Markmiðið með framkvæmdunum er að tryggja vatnsgæði á framkvæmda- og rekstrartíma jarðganganna. Sveitarfélagið hefur óskað eftir því að gerðar verði rannsóknir á því hvar vatn er að finna í jörðu og ef það finnst verður borað eftir því. Þetta er talið vera öruggasta leiðin til að tryggja vatnsöryggi á svæðinu.

Verkefnið verður unnið í samvinnu við Vegagerðina, sem einnig mun taka þátt í kostnaði vegna þess. Sérfræðingar eru væntanlegir á svæðið í vikunni til að framkvæma rannsóknir. Ef góð staðsetning finnst fyrir vatnsborun má gera ráð fyrir að boranir hefjist á allra næstu vikum.

Málið verður tekið upp formlega í bæjarráði á fimmtudag.

→ Lesa upprunaleg frétt á vef Fjallabyggð

Heimild: Fjallabyggð