Anne Bruun Hansen tekur við sem svæðisstjóri EFLU á Suðurlandi
Anne Bruun Hansen hefur verið ráðin svæðisstjóri EFLU á Suðurlandi í kjölfar skipulagsbreytinga sem miða að því að styrkja starfsemi fyrirtækisins á svæðinu.
EFLA hefur gert skipulagsbreytingar á starfsemi sinni á Suðurlandi. Markmið breytinganna eru að efla fyrirtækið á svæðinu, tryggja áframhaldandi góða þjónustu við nærsamfélagið og nýta þau tækifæri sem felast í auknum framkvæmdum á Suðurlandi.
Í tengslum við þessar breytingar hefur Anne Bruun Hansen verið ráðin svæðisstjóri EFLU á Suðurlandi. Hún tekur við starfinu af Friðþóri Sófusi Sigurmundssyni. Anne Bruun Hansen hefur starfað hjá EFLU á Suðurlandi í rúman áratug og þekkir því vel til starfsemi fyrirtækisins og aðstæðna á svæðinu.
Heimild: DFS