Áliti borgarlögmanns stungið ofan í skúffu
Álit borgarlögmanns um hugsanlega ólögmæta ríkisaðstoð í samningum Reykjavíkurborgar við ríkið lá fyrir meirihluta borgarstjórnar áður en samningar voru undirritaðir.
Heimildir herma að álit borgarlögmanns um að samkomulag Reykjavíkurborgar við íslenska ríkið um uppbyggingu á ríkislóðum gæti falið í sér ólögmæta ríkisaðstoð hafi verið til staðar áður en samningar voru undirritaðir. Álit þetta var kynnt borgarráði eftir undirritun samninga og dag fyrir samþykkt borgarráðs.
Þá herma heimildir einnig að umhverfis- og skipulagssvið hafi varað við því að uppbyggingarheimildir á lóðunum samkvæmt samkomulaginu hafi verið mun ríflegri en skynsamlegt þætti. Varnaðarorð sviðsins féllu áður en samningar voru undirritaðir en þau er þó ekki að finna í formlegri umsögn.
Heimild: mbl.is