Akureyri vill styttingu og nútímavæðingu þjóðvegar til Reykjavíkur

Bæjarstjórn Akureyrar leggur áherslu á styttingu og nútímavæðingu þjóðvegarins milli Akureyrar og Reykjavíkur. Málið var rætt á fundi bæjarstjórnar í gær, þar sem samþykkt var bókun um mikilvægi þess fyrir bæjarfélagið.

Í bókuninni kemur fram að greiðar, öruggar og styttri samgöngur á landi séu grundvallarforsenda fyrir lífsgæðum íbúa, auknu umferðaröryggi og samkeppnishæfni atvinnulífs á svæðinu. Þær styðji einnig við hlutverk Akureyrar sem svæðisborgar og mótvægisafls við suðvesturhornið.

Bæjarstjórn áréttar mikilvægi þess að heildarhagsmunum svæðisins sé gætt við innviðauppbyggingu og stefnumótun á landsvísu.

Til að fylgja þessum hagsmunum eftir mun bæjarstjórn senda inn formlegar umsagnir og ábendingar þegar breytingar á lögum, stefnum eða áætlunum sem snerta samgönguhagsmuni eru til umfjöllunar.

→ Lesa upprunalegu fréttina á Víkublaðið

Heimild: Víkublaðið