Viðhald Kristnesspítala í skoðun eftir afhendingu undirskrifta

Mikil viðhaldsþörf er á Kristnesspítala og er ástand húsnæðisins nú í nánari skoðun. María Pálsdóttir afhenti heilbrigðisráðherra 2.511 undirskriftir fyrir hönd velunnara Kristness, þar sem skorað er á stjórnvöld að bregðast við vandkvæðum spítalans. Rýma þurfti svæðið fyrr á árinu vegna myglu.

Alma D. Möller, heilbrigðisráðherra, sagði að málin væru í skoðun og að hópur væri að störfum til að skoða ástandið og kostnaðarmeta. Hún tók fram að ekki væri tímabært að segja neitt um niðurstöður þeirrar vinnu.

Göngudeild endurhæfingar SAk, sem áður var á Kristnesspítala, er á leið í leiguhúsnæði á Akureyri. Guðjón Hauksson, forstjóri SAk, sagði í síðustu viku að verkefni þeirra væri fyrst og fremst að tryggja þjónustuna, sem hefði verið fundinn staður innan sjúkrahússins á meðan annarra lausna er leitað.

Sólveig Pétursdóttir, yfirlæknir endurhæfingar á Kristnesi, afhenti ráðherra opið bréf frá starfsfólki endurhæfingar- og öldrunarlæknaþjónustunnar á Kristnesi þar sem þau lýsa sig boðin og búin til að tryggja þjónustuna áfram á Kristnesi.

→ Lesa upprunalegu fréttina á RÚV

Heimild: RÚV