Aðgengi að Baugi Bjólfs

Framkvæmdir við bílaplan við Baug Bjólfs eru nú hafnar á ný eftir að hafa dregist vegna snjóþyngsla síðasta hausts og vors. Verktakinn Héraðsverk hefur tekið til starfa og er gert ráð fyrir að fyrsta áfanga verksins, sem felur í sér útbúnað bílaplansins, verði lokið innan fimm til sex daga.

Á sama tíma verður unnið að því að moka gönguleiðina frá bílaplaninu að Baugnum, en þar er enn nokkur snjór. Þótt hægt sé að komast á fjórhjóladrifnum bílum langleiðina að fyrirhuguðu bílaplani, eru bílastæði enn takmörkuð og gönguleiðin torfær.

Því er óskað eftir þolinmæði almennings á meðan verktakar ljúka við að útbúa planið svo hægt verði að opna það fyrir umferð. Gert er ráð fyrir hléi á framkvæmdum í júlí og ágúst, en lokafrágangi og lagfæringum á gönguleiðinni og veginum upp eftir er stefnt að ljúka í september.

→ Lesa upprunaleg frétt á vef Múlaþing

Heimild: Múlaþing